As enerxías alternativas cubrirían 56 veces o consumo eléctrico en España en 2050, segundo Greenpeace.
Metro Directo. Venres, 25 de Novembro de 2005. Economía.
O futuro tanto da enerxía como do Medio Ambiente atópase na utilización das enerxías renovables. Greenpeace publicou un estudo segundo o cal con este tipo de fontes podería abastecerse até 56,42 veces a demanda eléctrica da Península en 2050. Afirmación que Industria considera demasiado positiva, sobre todo pola distancia no tempo destes cálculos.
As previsións gobernamentais son menos ambiciosas, como o demostra o Plan de Enerxías Renovables 2005-2010 aprobado a finais do pasado mes de agosto. Nel contémplase cubrir con este tipo de fontes un 12,1% do consumo global e un 30,3% do consumo bruto de electricidade.
O Sol, principal fonte.
Greenpeace pide unha maior importancia para a enerxía solar, xa que esta é a principal fonte renovable coa que conta España e apunta que coa termoeléctrica (a través de espellos concentradores) podería cubrirse o consumo 35 veces para 2050.
Os cálculos do Goberno outorgan un importante papel á fonte eólica, á que desde Greenpeace se lle concede a capacidade de cubrir 53 veces o actual obxectivo do plan, cuxos prognósticos só chegan até 2010.
Tradución ao galego: Elisa Borrazás.
O poder do diñeiro.